PDA

Archiv verlassen und diese Seite im Standarddesign anzeigen : (PC) (Clan sucht Spieler) CH-Community suecht schwiizer-düütsch-sprächendi Spieler ohni Verpflichtige!



Srgt_Foxhound
08-12-14, 12:06
Hoi zäme und schöne guete Grüezi

Wie de Titel scho seid, sin mer, vo CPS, e Schwiizer-Spiel-Community, wo diversi Spieli uf em PC zocket, under anderem au The Crew.
Wenn Du 16+ alt bisch und kei Luscht me hesch, das Düütsch us em "grosse Kanton im Norde" aaz'lose, dörfsch gärn emal bi eus is Tiimspiik cho ine luege und lose.

Eusi Tiimspiik-Adrässi: 62.104.20.187:9999

Mer sind i dem Sinn kei Spiele-Clan, mer sind eifach e Aasammlig vo Lüüt, hauptsächlich us de Schwiiz, wo Freud a Compiuterspieli händ.
Bi eus gids kei Verpflichtige, jede chund und gad wie's ihm grad passt und/oder me grad Luscht und Luune hed, ähndlich ame ne Stammtisch i de Beiz.

Mer spieled vo WOW, über CS GO, Battlefield und ARMA/DayZ, bis zu Dead Rising 3 und em Gummistiefel&HellyHansen-Simulator fascht alles.

Näbebii erwähnt, sind bi eus vom Walliser- bis zum SanGaller-Düütsch fascht alli Dialäkt verträte und Du findsch vo 16- bis zu 46-jährigi Members.

Und Nei, zur Zyt betriibe mer kei Websiite!!!

Für alli wo sich i de Züschezyt fragid, was den CPS heisst: C.......-People Switzerland
Leider dörf und chan ii s'C nid usschriibe, will mer eus hie ime ne Forum vo me ne 12+ Spieli befindet und ich's nid riskiere will, das de Poust glöscht wird!

Aber wie scho g'seid, wenn Luscht und Luune hesch lueg eifach bi eus ine.
Muesch aber nu eis wüsse, euses TS isch uf ene Art halbprivat, d.h., dass wenn Du s'erscht Mal zu eus is TS chunsch, chasch nid sälber ine Tschännel switsche. Eifach en aawesende Server-Admin(grosses rots S-Iken) oder en Stumpe-Raucher(Stumpe-Iken) aastupse und de wird Dir den es Gescht-Iken verpasse, so das au chasch sälber switsche!

Aaja, sälbschtverstänli dörfed sich natürli au Düütschi und Öschtriicher mälde, wo eusi Wältsprach verstönd! xD

I dem Sinn verabschied ich mi hie, mit Grüess us de Schwiiz

Tom alias Srgt_Foxhound

P.S.: JA, ICH HABE HIER GANZ BEWUSST IN SCHWEIZER-DEUTSCH GESCHRIEBEN UND WERDE ES AUCH NICHT ÜBERSETZEN, WEIL SOMIT EINE NATÜRLICH AUSLESE STATTFINDET!
(Danke für's Verständnis) ;P